2018 අංක 5 දරන බලහත්කාරයෙන් අතුරුදහන් කිරීම්වලින් සියලු තැනැත්තන් ආරක්ෂා කිරීම සඳහා වූ ජාත්‍යන්තර සම්මුති පනත
2018 මාර්තු 7 වන දින ශ්‍රී ලංකා පාර්ලිමේන්තුව විසින් සම්මත කළ පනත මගින් බලහත්කාරී අතුරුදහන් කිරීමෙන් සියලුම පුද්ගලයන් ආරක්ෂා කිරීමේ ජාත්‍යන්තර සම්මුතිය බලාත්මක කරයි.
2016 අංක 16 මරණ ලියාපදිංචි කිරීමේ (තාවකාලික විධිවිධාන) (සංශෝධිත) පනත
මෙය, උතුරු හා නැගෙනහිර ප්‍රදේශවල සිදු වූ ගැටුම් හේතුවෙන්, දේශපාලන නොසන්සුන්තාවයන් හෝ බලහත්කාරී අතුරුදහන් කිරීම්වල ප්‍රතිඵලයක් ලෙස අතුරුදහන් වූ බවට වාර්තා වූ පුද්ගලයන් හෝ ක්‍රියාන්විතයේදී අතුරුදහන් වූ බවට හඳුනාගත් ත්‍රිවිධ හමුදාවේ හෝ පොලීසියේ සාමාජිකයන් ලියාපදිංචි කිරීම සඳහා 2010 අංක 19 දරන මරණ ලියාපදිංචි කිරීමේ (තාවකාලික විධි විධාන) පනත වෙත සිදු කළ සංශෝධනයකි. මෙම පනත යටතේ, පුද්ගලයෙකුට මරණ සහතිකයක් ලබාගැනීම වෙනුවට දක්නට නොමැති බවට වූ සහතිකයක් ලබාගත හැකි ය.
